(Вознемирувачко видео) Украина: Во еден напад „уништивме“ 200 руски војници на плажата

Украинските власти објавија дека неутрализирале околу 200 руски војници во напад на ХИМАР на плажа, пишува Business Insider.

Националниот центар за отпор во земјата, управуван од украинската војска, објави снимка од нападите со беспилотни летала на Фејсбук, велејќи дека тие „уништиле“ десетици војници и руска опрема.

Додаваат дека нападот го извршиле откако од локални извори добиле информации за движењата на руската армија.

На снимката од дронот се гледа дека на плажа има многу војници, некои од нив вежбаат. После тоа се гледа напад на ХИМАР.

Украинскиот медиум Еуромајдан прес објави дека нападот бил извршен на островот Џарила, на тенок песок во Црното Море. Се наоѓа во регионот Херсон под руска окупација.

Медиумите објавија дека „загубени се и до 200 руски војници“, иако не е јасно колку загинале или се повредени.