Детектор: 71% од граѓаните сметаат дека Македонија има неефикасно судство
70,9% од анкетираните велат дека македонското судство не е ефикасно, додека ефикасност перцепираат 16,4%, покажува најновата анкета која за Детектор ја спроведе Институтот за политички истражувања Скопје.
Споредбата со претходната анкета која ИПИС за Детектор ја спроведе во 2019 дава раст на бројот на граѓани кои сметаат дека судството не е ефикасно, иако разликата не е многу голема. Сепак, голема е разликата меѓу ставовите на Македонците и етничките Албанци по ова прашање.
Додека близу 80% Македонци сметаат дека судството не е ефикасно ваков став делат само 46% етнички Албанци.
Истражувањето на јавното мислење за Детектор го спроведе Институтот за политички истражувања Скопје врз репрезентативен примерок од 1115 испитаници во периодот од 01 до 04 февруари оваа година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
