МНР побарало Софија да се огради од провокациите на Костадинов и Џамбаски

Македонското Министерство за надворешни работи се огласи по повеќе од 24 часа по собирот на Бугарите од Македонија на кој присуствуваа и европратеникот Ангел Џамбаски и лидерот на Преродба, Костадин Костадинов.

Двајцата политичари, кои според премиерот Димитар Ковачевски, се непожелни во Македонија среде Скопје порачаа „да живее бугарска Македонија“ на панихидата организирана за 95-годишнината од смртта на Мара Бунева.

-Министерството за надворешни работи со големо внимание ги следи изјавите на одредени маргинални политички фигури од Р. Бугарија чии провокации продолжуваат, без притоа да водат сметка за напорите кои ги вложуваат двете држави за одржување на конструктивната соработка и позитивниот дух во билатералните односи меѓу двете држави. Министерството, по дипломатски пат соодветно реагира до официјална Софија, во кое побара оградување од недоличните изјави кои ги повредуваат чувствата на граѓаните на Северна Македонија, и воедно серизно им наштетуваат на напорите за унапредување на добрососедските односи меѓу двете земји.