Јанакиески работно во Бугарија

Министерот за транспорт и врски, Миле Јанакиески, денеска е во работна посета на Република Бугарија, каде  ќе оствари билатерална средба  со Министерот за транспорт, информатички технологии и комуникации на Република Бугарија, г-дин Данаил Папазов.

Според најавите, главни теми на разговор на билатералната средба ќе бидат идните чекори на двете земји во однос на Пан-европскиот коридoр 8, соработката во областа на железничката инфраструктура како и други прашања од заеднички интерест за двете земји во поглед на реализација на инфраструктурни проекти.