Премиерот Груевски го честита еврејскиот празник Ханука
Шефот на Владата, Никола Груевски, денеска упати честитка по повод еврејскиот празник Ханука.
- Овој значаен еврејски празник е безвременска потврда на победата на слободата и слободниот човечки дух врз насилството, тиранијата и поробувањата. Вечерва, додека припадници на Еврејската заедница ја палат првата менора одбележувајќи го почетокот на осумдневното празнување, празникот на светлината Ханука уште еднаш не потсетува на приказната која е двигател на вербата на еврејскиот народ во последните 2.000 години. Нека слободарскиот пламен кој гори овие празнични денови биде вечна светлина во животот на еврејскиот народ, но и на сите други народи желни за слобода, праведност и достоинствен живот, вели во честитката Груевски.
Премиерот на припадниците на Еврејската заедница им посака радосни празнични денови.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
