Несовесен радовишанец предизвикал сообраќајка и избегал

52-годишниот С.С. од Радовиш заработи кривична пријава бидејќи наместо да помогне по сообраќајна несреќа, избегал од местото на настанот.

Несреќата се случила на магистралниот пат Делчево-Македонска Каменица кога С.С. управувајќи со автомобил „форд галакси“ при престигнување на трактор преминал на спротивната сообраќајна лента, додека од другата страна се движел автомобил „сеат кордоба“ управуван од П.Ц., при што истиот за да избегне директен судир, удрил во заштитна метална ограда.

П.Ц. се здобил со сериозни повреди, а С.С. наместо да му помогне, избегал од местото на настанот.