СДСМ: Со напуштањето на Собранието ВМРО-ДПМНЕ потврдија дека не се грижат за граѓаните

Од Социјалдемократскиот сојуз на Македонија денеска реагираат бидејќи пратеничката група на ВМРО-ДПМНЕ ја напушти седницата, по пресудата за Груевски.

Интегрално соопштение во продолжение:

Со напуштањето на собраниската седница ВМРО-ДПМНЕ потврди дека е несериозна и не мисли на граѓаните, СДСМ се однесува државнички и одговорно

ВМРО-ДПМНЕ денеска побегна од директно соочување на аргументите во Собранието и ја напушти седницата на која се разгледуваат важни прашања за граѓаните.

Во ист ден претседателот на СДСМ и премиер Зоран Заев излегува на јавно соочување со Христијан Мицкоски, нешто што не беше замисливо последните 11 години во Македонија.

Со ваквиот начин на однесување се потврдија две клучни работи:

ВМРО ДПМНЕ е несериозен политички субјект кој воопшто не мисли на интересите на граѓаните туку дејствува за лични и партиски интереси.
СДСМ и нејзиниот лидер, Зоран Заев, се однесуваат сериозно кон интересите на граѓаните и на државата и дејствуваат државнички и одговорно.

Тоа е суштинска разлика!