Движење БЕСА: Семејството е колективната меморија на нацијата

Движењето БЕСА и претседателот Африм Гаши, согласно програмските определби усвоени на Првиот Конгрес на Движењето БЕСА, денес – на Меѓународниот ден на семејството, со особено внимание ја истакнуваат големата улога што ја има семејството во секое општество.

„Како политичка партија со десничарска ориентација, посветеноста на БЕСА кон семејството е меѓу главните приоритети на нејзиниот ангажман и таа смета дека денес е многу важно целото општество да биде фокусирано на заштита и афирмација на семејството. Иако Беса начинот на кој го сфаќа семејството не му го наметнува на ниту една нација или етничка група, таа смета дека и ние како општество треба да се почитуваме и никој не треба да ни ја наметнува матрицата за семејство. Ние сметаме дека заедницата маж-жена, благословена и со метафизичка церемонија, претставува општествена министруктура, која не само што ја гарантира истрајноста на човечкиот род, преку наталитетот, туку овозможува и пренесување на културните, духовните и човечките вредности, како и на хуманите димензии на животот. За БЕСА улогата на жената како мајка во семејството е на ниво на светост, не само затоа што таа е суштество што раѓа човек, туку и затоа што таа е единственото суштество кое може да всади и негува љубов кон семејството, јазикот, нацијата, татковината и кон човештвото. Покрај тоа, за нас семејството е вид на неврон, во кој се зачува колективното сеќавање на нацијата, во кој се гради психологијата на нацијата и во кој се подредуваат општите човечки вредности.

Во врска со ова Движењето БЕСА е особено загрижена кога се појавуваат трендови кои го тресат идентитетот на традиционалното семејство и одат дури дотаму што традиционалниот брак го прогласуваат за заостанат и бараат други форми на институционализација на бракот.

Како партија која верува во европските плуралистички вредности, каде што овој пристап има многу сојузници и соработници, разни политички и неполитички организации, како и во духот на слободата на мислата, загарантирана за секое човечко суштество, Движењето Беса силно верува дека заштитата на семејството е европска и цивилизациска доблест и, според тоа, воспоставувањето на овој датум во календарот на Меѓународните денови на Обединетите Нации е најголема благодарност што цивилизираниот свет го прави кон семејството. Затоа ќе продолжиме да работиме за семејството, во нејзиното традиционално значење, како и за заштита и афирмација на вредностите што таа ги пренесува“, се вели во соопштението на Африм Гаши, претседател на движењето БЕСА.