СДСМ: ВМРО-ДПМНЕ нема кредибилитет да зборува за Универзалната сала
Доколку ВМРО-ДПМНЕ навистина се грижеше за Универзална сала, за 11 години колку што управуваше со Владата и со Град Скопје ќе го реконструираше овој објект од значење за градот и граѓаните,преку соопштение реагираат денеска од СДСМ во врска со обвинувањата од страна на опозициската партија.
„Наместо тоа, ВМРО-ДПМНЕ потроши стотици милиони евра пари на граѓаните за лажен барок, гипс-картон, споменици и инсталации во коритото на реката Вардар, со што освен што криминално и расипнички ги потроши парите на граѓаните, ја доведе во прашање и безбедноста на Град Скопје и неговите граѓани“, стои во партиското соопштение.
Оттаму додаваат дека од ВМРО-ДПМНЕ немаат кредибилитет да зборуваат за Универзалната сала и Град Скопје, после сè она што му го направиле на градот.
„Промената на локалната власт во Скопје значи и враќање на сјајот на Универзалната сала како што заслужуваат граѓаните“, велат од СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
