Од денеска не важи забраната за камионџиите

Од денеска веќе не важи времената измена на режимот на сообраќај на државните патишта во Република Македонија, со која се забрануваше сообраќај на тешки товарни возила со вкупна маса над 15 тони за време на деновите од викендот и за денови при екстремно високи температури.

На патните правци Гостивар - Охрид, Охрид - Ресен и Охрид - Свети Наум од 1 јули 2013 има ограничен режим на движење за тешки товарни возила над 7,5 тони. Ограничувањето на движењето е во следните периоди: петок од 15:00 - 24:00 часот, сабота и недела 07:00 - 24:00 часот. Овој режим на движење ќе важи до 1 септември 2013 година.

Во сила е забраната за движење на тешки товарни возила на подрачјето на Град Скопје. Забраната важи во временски период од 10 до 20 часот и ќе трае се до 01.09.2013 година.

Овие забрани завршуваат заклучно со 01.09 (недела), во понеделник 02.09 овие забрани не се во сила.

Поради оштетување на коловозот на патен правец Р- 409 Маврово - Дебар во близина на Бошков мост сообраќајот се одвива во две ленти преку бајпас (додека траат санациите на оштетената коловозна лента).       

На подрачјето на СВР-Охрид почнувајќи од 29.08.2013 година се изведуваат асфалтерски работи на маг.пат А-2 Гостивар - Кичево, и на делот на планинскиот превој „Стража“ и 1,0 -1,5 км во правец према Кичево. 

При извршување на работите нема да има влијание при движењето на возилата и истите ќе се изведуваат во работните денови најчесто од 08:00-15:00 или 16:00 часот.

Сообраќајот на сите останати државни патишта низ државата се одвива непречено, по суви и чисти коловози.

Интензитетот на сообраќај на патните правци надвор од градските средини е зголемен.

Интензитетот на сообраќај на патните правци надвор од градските средини е зголемен. На граничниот премин Табановце чекањето за излез од Македонија е околу половина час. На останатите гранични премини нема подолготрајни задржувања.