Свети Николе: Се преврте трактор, еден тешко повреден
Во 08 часот и 25 минути на локалниот пат Свети Николе – село Ѓуриште на местото Бареш, се случила сообраќајна незгода помеѓу трактор „Фиат 640“ управуван од 47-годишниот Ѕ.Р. од селото Горобинци и возило „Фиат Пунто“ управувано од 57-годишниот В.Н. од Свети Николе.
Како што информираат од полицијата, тракторот се превртел на коловозот. Во незгодата со тешки телесни повреди се здобил сопатникот на тракторот, 50-годишниот И.Т. од селото Горобинци, кој со возило на Итна помош бил пренесен и задржан на лекување во Медицинскиот Центар во Штип.
Увид на лице место извршила екипа од Полицијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
