СИТЕЛ: Првиот академски час свечено одбележан и на Европскиот универзитет

Првиот академски час свечено одбележан и на Европскиот универзитет. Голем е бројот на студенти кои оваа година одлучиле своето високо образование да го стекнат на факултетите за правни и економски науки, стоматологија, арт и дизајн, информатика и детективи и криминалистика. Велат дека очекуваат универзитетот да им понуди одлични можности и знаење кое подоцна успешно ќе го применат на пазарот на труд.

Со традиционална церемонија на европскиот универзитет попладнево свечено беа промовирани  дипломирани и магистрирани студенти. ЕУРМ заокружи усше една успешна генерација академци кои го завршиле своето образование и извесен период работат во приватни и државни институции.

Од Европскиот универзитет велат дека студентите се секогаш на прво место, а универзитетот е тука за нивната иднина со цел да им овозможи просперитет во државата и во странство. И годинава се нудат атрактивни студии со европски и светски квалитет, врвни знаења и услови за студирање.