Двајца браќа бизнисмени од Косово меѓу загинатите во авионската несреќа кај Кожле

Според информации и од Италија и од Косово, двајца од загинатите во авионската несреќа се браќа со презиме Бегај, бизнисмени, инвеститори со потекло од Косово.

Тие имале намера да отворат аероклуб на Косово по урнек на аероклубот во Тревизо од каде патувале кон Приштина.

Сепак, на аеродромот во Приштина нема гориво какво што е потребно за авионот Пајпер, познат модел на бизнис- авиони, па морал да слета во Скопје, а потоа да го продолжи летот.