Изгаснат пожарот на висорамнината Витачево
По неколкучасовно ангажирање, изгаснат е пожарот кој синоќа избувна во месноста Моклиште кај Ваташа и кој се прошири кон висорамнината Витачево, Кавадаречко.
Како што информира Петко Ристовски од Подружницата на ЈП „Македонски шуми", пожарот зафати шеесетина хектари трева, трње и грмушки, но не и објекти и шума.
- Во гаснењето учествуваа дваесетина лица од кои поголемиот дел работници во подружницата „Бор", но и пожарникари од Територијалната противпожарна единица од Кавадарци, информира Ристовски и апелира до населението за внимание, за да се спречи, како што нагласи, евентуална нова појава на пожари со оглед на тополото време.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа