Македонци и Црногорци повредени во тепачка - ги нападнал косовски државјанин
Масовна тепачка се случи денес во бродска линија Анкона -Драч во раните утрински часови, пишува Газета експрес.
Според полицијата, косовски државјанин влегол во конфликт со пет странци, Црногорци и Македонци. Како резултат на кавгата, Косоварот прободел еден од нив. Полицијата во Драч го уапсила 36-годишниот Алтин Хакам, роден во Митровица со живеалиште во Лондон.
Полицијата започнала кривична постапка против Далибор Јовановиќ (36) и Виктор Крстевски (34) кои живеат во Република Македонија како и Драган Ковачевиќ (29) и Драгиша Гогиќ (25) и двајцата од во Црна Гора, објави Gazeta Express.
Полицијата соопшти дека најтешко повреден е 28-годишниот црногорски државјанин В.M.кој моментално се наоѓа во Воената болница во Тирана и е во критична состојба.
Другите се полесно повредени. За време на конфликтот, биле повредени и Алтин Хакам и неговата сопруга Хакам Л. (35) жител на Лондон, кои се во регионалната болница во Драч надвор од животна опасност.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа