Тешка сообраќајна несреќа на автопатот Скопје-Велес - едно лице го загуби животот
Вчера на автопатот Скопје-Велес после тунелот„Катланово“ е пријавена тешка сообраќајна незгода, во која Р.Ч.(45) од Скопје управувајќи со автомобил „Рено 9“ со скопски регистерски ознаки излетал надвор од коловозот и се превртел во провалијата покрај автопатот.
Во незгодата истиот од здобиените повреди починал на самото место, а полицијата не знае кога точно се случила оваа несреќа.
Увид е извршен од страна на увидна екипа од Секторот за внатрешни работи во Скопје, а по наредба на Јавното Обвинителство, телото на починатиот е предадено за обдукција.
Инаку Р.Ч. предходно бил пријавен за исчезнат во Полициската станица во Кисела Вода.
Се работи на целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
