Потресни детали: Детето од Куманово им умрело на другарчињата во раце
Уште една ужасна трагедија ја потресе Македонија. Откако неделава беа пријавени четири силувања на дечиња, а денеска почина момчето во сообраќајката од Рампа кај скопска Кисела Вода, се случи уште една трагедија во која се удави дете.
Околу 15 часот и 45 минути во полицијата во Куманово, медицинска сестра од Итна медицинска помош пријавила дека во „Стара Бања“, поточно пред базенот со лековита вода, има непознато женско детенце кое е починато.
Полицијата констатирала дека се работи за тринаесетгодишно девојче од Куманово кое се удавило во базенот во Стара Бања, откако околу 15 часот и 30 минути дошло со уште две другарки да се капе во базенот, па влегле внатре, а тоа скокнало во базенот и од присутните деца било забележано дека дава знаци на давење.
Децата и укажале прва помош по што ја повикале Итната медицинска помош. Увид на местото на настанот извршиле јавен обвинител и екипа на полицијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
