Милошоски на конференција во Хаг
Претседателот на собраниската Комисија за надворешни работи Антонио Милошоски, од денеска до 8 април 2016 година, ќе учествува на Интерпарламентарната конференција за заедничка надворешна и безбедносна политика во Хаг, Кралство Холандија.
Како што соопшти денеска Одделението за односи со јавноста на Собранието на Република Македонија, на овој настан учество ќе земат претседатели на Комисии за надворешни работи и одбрана на земјите членки на ЕУ и земјите кандидати за членство во ЕУ.
На конференцијата свое обраќање ќе имаат Високиот претставник на ЕУ за заедничка надворешна и безбедносна политика Фредерика Могерини и заменик генералниот секретар на НАТО за глобални и економски прашања, Кристијан Лефлер.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
