Утврден идентитетот на безживотното тело во кампот „Партизан“
Безживотното тело пронајдено денеска во кампот „Партизан“ во охридската населба Далјан е на 49-годишниот Есад М. кој во охридската полиција пред десеттина дена беше пријавен како исчезнат.
Според информациите од СВР – Охрид, нема видливи повреди и траги на насилство врз безживотното тело, што било констатирано при извршениот увид и медицинскиот преглед спроведен непосредно после откривањето.
Инаку, според пријавата поднесена од неговиот брат, сега починатиот Есад последен пат бил забележан на 2 февруари годинава, а неговото место на живеење било во камп-приколка од Феријалниот сојуз.
По наредба на Јавен обвинител, во текот на утрешниот ден врз безживотното тело ќе биде извршена обдукција во Судска медицина при Медицинскиот центар во Битола.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа