Груевски: За многу години, од денес сите ќе можеме да кажеме – 24 април беше денот кога заврши политичката криза
Време е да одиме напред. За многу години од денес сите ние ќе може да погледнеме назад и да кажеме: „Ова беше денот кога заврши политичката криза.“, истакна претседателот на ВМРО-ДПМНЕ Никола Груевски по средбата на политичките лидери од коалицијата „За подобра Македонија“.
-Тогаш ќе може и да погледнеме наназад и да кажеме: на 24-ти април народот го даде мандатот со кој нашата држава тргна одлучно по патот на нов просперитет, нови работни места, повисоките плати, меѓународен углед и политичка стабилност. Од денес се јавува една нова светлина. Денес работите се променети. Дискусиите за одлуките повеќе не се помеѓу политичарите. Од денес дискусиите за судбината на нашата држава и нација ги водите вие. Од денес зборува народот на оваа држава, истакна Груевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа