Жолт аларм: Македонија пред ново невреме
Времето денеска во Македонија ќе биде променливо облачно, со сончеви периоди.
Кон крајот на денот прво во западните и во југозападните делови ќе има зголемување на облачноста со врнежи, кои локално ќе бидат проследени со ретки грмежи.
Во текот на ноќта врнежите ќе се интензивираат и ќе се прошират насекаде. Ќе дува слаб до умерен североисточен ветер.
Утринската температура ќе се движи од девет до 16, а дневната од 21 до 28 степени.
Во Скопје преку денот времето ќе биде променливо облачно, а во вечерните часови со врнежи, кои во текот на ноќта ќе се интензивираат и ќе бидат пообилни и проследени со ретки грмежи. Утринската температура ќе се спушти до 14, а дневната ќе се искачи до 25 степени.
И во четврток ќе се задржи претежно облачно време со пообилни врнежи. Во попладневните часови се очекува врнежите постепено да престануваат. Ќе биде и многу посвежо, со дневна температура од 15 до 22 степена.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
