Во јули зголемен прометот во трговијата на мало

Во групата трговија на мало со храна, пијалаци и тутун  во јули годинава во споредба со јули лани е забележано зголемување на прометот, номинално за 6 проценти, а реално за 5,5 проценти, објави денеска Државниот завод за статистика.

Во трговијата  на мало со непрехранбени продукти, освен гориво, пак, во јули годинава, споредено со јули минатата година, зголемување на прометот статистика регистрира номинално за 9,6 проценти, а реално за 3,7 проценти, а во групата трговија на мало, освен трговија со горива номинално за 7,9 проценти, а реално за 7,1 процент.