Отишол на забар - останал без својот памет

После едноставна интервенција на заб, поранешниот британски војник Вилијам ја изгуби способноста да создава нови сеќавања.

„Се сеќавам дека седев на столица и дека забарот ми даде локална анестезија“, кажува Вилијам. После тоа, не се сеќава на ништо, а оттогаш ни едно сеќавање не го задржува повеќе од 90 минути.

Кога забарот видел дека е блед, ја повикал неговата сопруга, која го однесла на болница, а таму констатирале дека нема никаков проблем со мозочните клетки и дека најверојатно проблемот е во некој нерв.

Вилијам тешко функционира, не памети нови искуства, времето за него не значи ништо, а со помош на сопругата постојано си запишува пораки во телефонот во посебен документ наречен „Прво прочитај го ова“.