СДСМ повторно игра на погубната карта на радикализација
Радикализацијата не е нова карта на Соросовата опозиција, граѓаните ја трпат уште од почетокот на 2013 година. Нема разлика ниту во однесувањето на т.н. творци на јавно мнение, чијашто марионетска улога им е помила од општествената, па забораваат дека на нивна душа ќе се препише доколку се случи нешто од тоа на што повикуваат, анализира Република.
Во Македонија повторно се игра на картата на радикализација на состојбата. Откако стана јасно дека, место политичкото раководство на Социјалдемократскиот сојуз, политиките и потезите ги кројат т.н. „граѓански организации“, тие сега под плаштот наречен „Граѓаните за Македонија“ определија рок по кој ќе вовеле радикален отпор ако не им се исполнат барањата. Нивните барања се еквивалент на барањата поради кои и пропаднаа преговорите во Брисел, каде што партискиот потписник Зоран Заев поплука врз дадениот и потпишан збор пред меѓународната заедница во Скопје. „Граѓаните“ што така бистроумно градат „висока политика“ се истите што по диктат на главниот извор на финансии, Соросовата фондација, влетаа во играта дека Хан е поткупен, дека режимот е готов, па дури и дека тие треба да седат на преговарачката маса. Љубимците на Сорос се постојани: Форум – центарот за стратегиски истражувања и документација, главниот извор на кадри за СДСМ; најстарата НВО-ќерка „Метаморфозис“, „Македонскиот центар за европско образование“ на Лидија Димова.
„Граѓани“ се и Бранко Героски, Љубомир Фрчкоски и Сашо Ордановски – главните креатори на ставовите и молчењата на Заев. Притоа, вчудовидувачко е ниското ниво на комуникација кое истекува од нив, како и од сателитите на тоа друштво. Мирослав Грчев, еден од нив, за порталот на Героски, финансиран од Сорос, во колумна насловена „ВМРО да се ИСКОРНЕ од македонската држава“ повикува на „дератизација, дезинсекција, дезинфекција и деконтаминација на сите институции на државата и општеството од смртоносниот ген на ВМРО-ДПМНЕ… Вмровски ген мора да се искорне од телото на македонската држава и да се фрли на буништето на историјата“. Грчев и пријателите, гледајќи се како творци на јавно мислење, долеваат масло на огнот заборавајќи на главната улога во општеството. Забораваат дека сечија одговорност е да не се потпалува ситуацијата и дека во таква ситуација секој збор што води кон насилство има тежина на чекан, а сѐ што ќе биде кажано и направено ќе им биде припишано ним.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа