Притвор за четири вандали на СДСМ кои ја тепаа полицијата

Основното јавно обвинителство – Скопје прими кривична пријава од страна на Министерството за внатрешни работи против четири лица, за сторено кривично дело – Учество во толпа што ќе спречи службено лице во вршење на службено дејствие, за време на вчерашните протести пред Владата на Република Македонија.

Постапувајќи по поднесената кривична пријава, а со цел да се обезбеди непречено одвивање на истрагата од страна на Основното јавно обвинителство – Скопје до Основниот суд Скопје 1 поднесе Предлог за определување мерка Притвор против сите четири лица, поради околности кои укажуваат на опасност од бегство.