Скопјанец домот си го претворил во магацин за дрога
СВР Скопје - Единица за недозволена трговија со дрога, поднесе кривична пријава до надлежното Основно Јавно обвинителство-Скопје против 48-годишниот Ф.Џ. од Скопје, осомничен дека сторил кривично дело „неовластено производство и пуштање во промет наркотични дроги, психотропни супстанци и прекурсори“.
Скопјанецот, од засега непознато лице набавил поголема количина хероин, кој го препакувал и чувал во својот дом, а потоа ја продавал дрогата на зависници и овозможувал на дел од нив да ја користат во неговиот дом. Со наредба од судија на претходна постапка е извршен претрес во неговиот дом, при што се пронајдени 7,45 грама хероин спакуван во четири полиетиленски паковки, 19,40 грама мешавина од парацетамол и кафетин и 14,66 грама лактоза, кои се мешаат со хероинот.
Инаку, на Ф.Џ. и претходно му била поднесена кривична пријава за недозволена трговија со синтетички дроги, а тој е трипати кривично пријавуван за прикривање на предмети кои потекнуваат од кривични дела.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа