Вандали го оштетиле градскиот парк во Гевгелија
Непознати сторители по втор пат ги оштетиле и целосно ги искорнале 30-те новозасадени дрвца во Градскиот парк кај железничката станица во Гевгелија, соопштија денеска од јавното претпријатие „Комуналец“.
Секторот за паркови и зеленило ги известиле инспекциските служби, а случајот е пријавен во полициската станица во Гевгелија.
Непознатите лица во одводниот канал ги фрлиле вреќите со песок што беа поставени како заштита од неодамнешните обилни врнежи, а во каналот успеале да фрлат и контејнер со отпадоци.
- Очигледно на некои граѓани им сметаат зелените површини во градот и мерките што ги презедовме за заштита од можните поплави. Апелирам до граѓаните да се однесуваат посовесно кон заедничкиот имот и активностите што се преземаат за подобрување на урбаните услови и да им се спротивстават на неодговорните поединци кои ги злоупотребуваат нивните пари, изјави градоначалникот Иван Франгов.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа