WHO најави милион вакцини против еболата во 2015
Милион дози вакцини ќе бидат произведени до крајот на 2015 година, објави денеска Светската Здравствена Организација WHO, а пренесува BBC. WHO порача дека до првата половина на годината ќе се произведат неколку стотина илјади доза вацини, и дека истите ќе бидат достапни на здравствените институции низ светот, кои веќе се борат со еболата на терен веќе од декември годинава.
Сепак од Организацијата порачуваат дека уште не постои докажан лек или вакцина против еболата. Во вообичаени околности научниците, вакцината ја развивале со години, но поради кризата која ја предизвика еболата, произведувачите на лековите работат со „полна пареа“ за што побрзо им овозможат на здравствените организации да се борат против овој смртоносен вирус.
Две пробни вакцини кои ги произведуваат компанијата GlaxoSmithKline и канадската Агенција за јавно здравство, веќе се наоѓаат во фаза на тестирање. Првите резултати ќе бидат објавени во декември годинава.
Здравствените екипи кои се наоѓаат во западна Африка, на првите линии во борбата против еболата, ќе бидат први кои ќе имаат можност да ги тестираат во тие земји.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
