Претставничката на Франкфуртската полиција Шелтон ја посети општина Аеродром

Претставничката на Франкфуртската полиција Кристен Шелтон, придружувана од командирот на Полициската станица за општа надлежност „Аеродром“ Орце Јовановски денеска ја посетија општина Аеродром.

Во рамки на посетата имаа средба со градоначалникот Ивица Конески.

Целта на посетата, како што соопшти општина Аеродром, е размена на полициски службеници и искуства, како и дружење на полицајците од целиот свет.

- Шелтон, која работи на превенција на криминалот и е специјализирана за дизајн на околината, во текот на разговорот рече дека е воодушевена од Аеродром и од хигиената во општината, која претставува огромен дел во спречувањето на криминалот, се вели во соопштението.