Грант од Амбасадорскиот фонд на САД за заштита на Златковата кула во Кратово
Министерката за култура Елизабета Канческа-Милевска и амбасадорот на САД во Република Македонија Пол Волерс денеска во Кратово ќе потпишат Договор за доделување грант од Амбасадорскиот фонд на САД за заштита на културно наследство.
Грантот е наменет за конзервација и реставрација на Златковата кула, која се смета за една од најстарите кули во Кратово. Изградена е во 1365 година, а името го добила по нејзиниот последен сопственик Ѓорѓи Златков.
На овој споменик на културата е интервенирано и преку проекти на Министерството за култура со вкупна вредност од 1,3 милиони денари од 2009 до 2012 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
