Шиповиќ гласаше против - ДУП-овите во Центар усвоени
Советот на општина Центар на денешната 23-та по ред седница ги изгласа Предлог-одлуките за донесување на Детален урбанистички план за локалитетите Капиштец и Тасино Чешмиче.
ДУП-овите беа усвоени со 11 гласови „за“ и еден против. Против изгласувањето на точките гласаше претседавачот на Советот Мирослав Шиповиќ. На денешната седница беше усвоена и Предлог-одлуката за доделување на парични средства на Кик-бок клубот „Водно - Кик“, предложена од Шиповиќ.
Останатите точки од Дневниот ред од прва до 12-та поради неприсусто на предлагачот Андреј Жерновски на Седницата, беа одложени.
За разгледување на одложените точки од Дневниот ред ќе биде закажана дополнителна седница.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
