Утре пресуда за „Монструм“

Во Основниот суд Скопје 1 утре треба да биде изречена пресуда за случајот „Монструм“. Пресудата за грозоморното убиство кај Смилковци требаше да биде донесена минатата недела, но поради болест на главниот судија Ивица Стефановски, изрекувањето беше одложено.

Во „Монструм“ се обвинети седум лица. Тие се теретат за тероризам и се соочени со казни затвор од 10 години до доживотно. Двајцата првообвинети Алил Демири и Африм Исмаиловиќ во моментов одлежуваат затворска казна во Косово поради недозволено поседување оружје.