На Кипар се измерени 44 степени, затворени се училиштата

Топлотниот бран што го зафати Кипар пред неколку дена донесе дневни температури над 40 степени Целзиусови.

Топлотниот бран што го зафати Кипар пред неколку дена донесе дневни температури над 40 степени Целзиусови, а денеска, како што соопшти кипарската метеоролошка служба, се очекува да достигне 44 степени Целзиусови во областа на Никозија и околниот регион. .

Топлотниот бран започна во понеделникот, а синоптичарите велат дека ќе продолжи и следната недела. Дури и ноќе, термометрите покажуваат вредности само малку пониски од 30 степени Целзиусови.Лекарите предупредуваат дека ваквите високи ноќни температури се опасни бидејќи им оневозможуваат на луѓето добро да спијат, а тоа значи дека телото не може да се опорави од топлината поради неподносливите температури.

„Жешко е и спарно“, коментира денеска турист на кипарска телевизиска програма.

Министерството за труд нареди да се прекине целата работа на отворено во текот на денот. Потрошувачката на струја вчера ја достигнала горната граница на капацитет поради интензивното користење на клима уредите, соопшти компанијата за снабдување со електрична енергија. Поради тоа, електраната, која досега беше на одржување, повторно беше приклучена на мрежата.

Поради неподносливите температури, од вчера училиштата веќе биле принудени да ја прекинат наставата.