МВР со детали за сообраќајката во која повторно загина пешак - познат идентитетот

Вчера во 23.15 часот во Полициската станица Кичево било пријавено дека на магистралниот пат Гостивар - Кичево, на крстосница за с.Колибари, кичевско, патничко возило „рено меган“ со кичевски регистарски ознаки, управувано од Р.И.(66) од село Горно Строгомиште, кичевско, удрило во пешак И.А.(66) од с.Колибари.

Од здобиените повреди, пешакот И.А. починал на местото, а лекар од Итна медицинска помош констатирал смрт.

Увид извршила екипа од ОВР Кичево и по наредба на јавен обвинител телото на починатиот било дадено на обдукција.