Милошоски на средби во американскиот Конгрес

Пратеникот од ВМРО-ДПМНЕ, Антонио Милошоски се сретна со републиканскиот конгресмен, Карлос Гименез во Конгресот на Соединетите Американски Држави. Како што тој објави на социјалната мрежа Фејсбук, разговарале за македонско-американските односи.

-Разговаравме за македонско-американските односи и можностите за нивно продлабочување, за безбедносните предизвици во Европа. Исто така разменивме идеи како можеме взаемно да си помогнеме како сестрински партии во однос на изборните кампањи и во Америка, и во Македонија, во кои ќе бидеме ангажирани во текот следната година, вели Милошоски.