Македонските државјани се вратија дома откако биле испрашувани од косовската полиција

Македонските државјани кои вчера се најдоа во близина на манастирот во Звечан каде вчера беше извршен вооружен напад врз косовските полициски сили се вратени во Македонија. Оваа информација пред малку ја соопшти шефот на дипломатијата, Бујар Османи.

-По извршените вообичаеното интервју и анализа од страна на полицијата на Република Косово, утрово нашите државјани безбедно се упатени кон дома, придружувани од косовската полиција. Околностите во кои тие се најдоа беа сложени, имајќи предвид дека беа сместени во хотел, во непосредна близина од каде се случи вооружениот напад врз полицијата.  Во текот на вчерашниот ден косовската полиција беше веднаш соодветно известена за оваа ситуација по редовните канали, а јас лично разговарав и со мојата колешка Доника Гервала – Шварц. Низ целиот процес, косовските служби ја гарантираа безбедноста на нашите државјани, а нашата амбасада во Приштина беше во постојан контакт со нив, вели Османи.