Мајката на прегазената Марија скршена: Возачот ќе излезе од затвор, а мојата ќерка ја нема

Игор Стојковиќ од Ниш е осуден на седум години затвор за сообраќајната несреќа во која ја прегази и усмрти младата 25-годишна Марија Шуловиќ пред пет години.

Семејството на Марија сеуште не може да се помири со загубата на ќерката, како и со пресудата која ја доби 43-годишниот возач.

- Кој може да биде задоволен од оваа казна? Ни 12 години колку што е максималната казна за вакво дело не се доволни за нас. Тој ќе излезе жив и здрав од затвор и ќе се врати кај фамилијата, а нашата Марија нема, вели мајката Жаклина, скршена од болка.

Таа по пресудата веднаш со својот сопруг Небојша отишла кај својата ќерка на гроб.

- Се мачи 81 ден и ете...Човекот рече дека не е виновен за нејзината смрт, а повеќе не можеше да ја повреди...Не ми е јасно зошто постои максимална казна ако не се досудува. Ќе ја обжалиме одлуката, иако е се залудно. Живите имаат права, мртвите не...за овие 4 години мојата ќерка можеше да живее, да има деца, фамилија...а тој и го одзема правото, вели мајката на Марија, Жаклина, за српските медиуми.

Несреќата се случи на 31 декември 2020 година околу 17 часот и 20 минути во Ниш. Марија одела пешки со својот татко кога Игор загубил контрола и ја удрил, а за жал, почина по три месеци во болница.