Левица: Настанот за одржување протест е креиран од лажен профил, утре ќе поднесеме приговори до ДИК

Левица не е креатор на настанот на кој се повикува на протест пред Државната изборна комисија в сабота.

-Сакаме да ве известиме дека овој настан не е креиран од страна на нашата партија, ова е настан креиран од лажен профил. Го повикуваме нашето членство да го пријави/репортира истиот и истовремено ве известуваме дека, партијата во текот на утрешниот ден, ќе поднесе приговори до ДИК, поради извршените неправилности и украдените гласови за Левица, се вели во објавата на официјалната Фејсбук страна на Левица.