Крвава драма во Словачка: Маж ја фрлил сопругата од балкон, па излегол надвор и почнал со нож да боде луѓе
Петар К.(51) е осомничен дека ја фрлил сопругата од балкон, а потоа со нож нападнал неколку лица во Малака, Словачка.
„Осомничениот планирал физички да нападне една од жртвите, која тој ден дошла кај него и неговата сопруга. Откако испиле уште малку ракија, меѓу нив настанала расправија“, изјавила портпаролката на полицијата.
Петар во еден момент ја фрлил жената од балконот, жената паднала на земја, а тој од станот почнал да фрла по неа разни предмети, пренесуваат медиумите во регионот.
Потоа прво со кујнски нож го нападнал човекот кој сакал да и помогне на повредената жена. Група луѓе почнале да го спречуваат во понатамошниот напад, а на некои им нанел убодни рани со нож.
Кога полицијата пристигнала на местото на несреќата, тој со истиот нож нападнал и полицаец. Набрзо успеале да го задржат и да го уапсат.
Тој е во притвор од петокот и се товари за тешка телесна повреда и напад на службено лице.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
