Ковачки: Граѓаните се подготвени за промените, за Кочани предвидуваме 4 милиони евра, нова инфраструктура, градинки и реконструкција на пругата до Велес

Носителот на изборната листа на ВМРО-ДПМНЕ во Изборната единица 3, Драган Ковачки вели дека досега градоначалникот на Кочани имал опструкции од централната власт, но по промената на власта ќе има инвестиции во овој град.

-Околу 4 милиони евра предвидуваме од централниот буџет да се дадат за Кочани. Тоа значи нова инфраструктура, нови градинки, нови улици, нови тротоари. Исто така, предвидуваме целосна реконструкција на пругата Кочани-Велес. Граѓаните на Република Македонија се подготвени за нова иднина за нова надеж. Ве повикувам на 24 април сите масовно да излеземе да дадеме поддршка за нашиот претседателски кандидат Гордана Силјановска Давкова, а на 8 мај да ја верифицираме победата со една голема излезност, односно голема победа за ВМРО-ДПМНЕ и за промените, рече Драган Ковачки, член на ИК на ВМРО-ДПМНЕ и носител на Изборна единица 3.