Контроверзната муниција пристигна во Украина: „Тие ја користат доста ефикасно“

Касетната муниција испорачана од САД е во рацете на Украина и е распоредена на терен, изјави во четвртокот портпаролот на Белата куќа за национална безбедност Џон Кирби.

„Имавме првични повратни информации од Украинците и тие го користат доста ефикасно“, рече Кирби на брифингот со новинарите.

Кирби рече дека касетната муниција влијае на руските одбранбени формации и маневрирање.

Украина вети дека ќе користи касетни бомби само за да ги отстрани концентрациите на руски непријателски војници.

Касетната муниција, која е забранета во повеќе од 100 земји, обично ослободува голем број помали бомби кои можат неселективно да убијат на голема површина. Оние што не експлодираат претставуваат опасност со децении.

Двете страни меѓусебно се обвинуваат за употреба на касетни бомби во конфликтот предизвикан од руската инвазија во февруари 2022 година.