Италија: Тројца загинати и илјадници евакуирани од поплавите

Најмалку тројца загинати и илјадници евакуирани е епилогот од поплавите кои ги зафатија северните италијански региони, Емилија-Ромања и Марке. Како што пишуваат италијанските медиуми, регионите на јадранскиот брег претрпеле и голема материјална штета.

Маж што престојувал на приземјето од својата куќа за време на поплавите, се удавил, додека тамшните власти соопштија дека има и лица кои се водат за исчезнати. Градовите Фаенца, Чезена и Форли се најпогодени, соопшти италијанската противпожарна служба.

Пожарникарите ги спасувале луѓето кои останале безпомошни во своите домови покрај водата и возачите заглавени во поплавите. Во Чезена, каде што реката Савио се излеа од коритото, службите за итни случаи спасиле десетици луѓе заробени на покривите од своите домови.