Им подлегнал на повредите: Со автобус прегазен велосипедист на автопатот пред Скопје
63 годишен возач управувајќи автобус прегазил 67 годишен велосипедист на автопатот Куманово – Скопје. Велосипедистот од здобиените повреди починал во болница.
„На 05.11.2023 во 18.00 часот во СВР Скопје било пријавено дека на автопатот Кумановo-Скопје, под клучка „Илинден“, автобус „неоплан“ со скопски регистарски ознаки, управуван од В.Д.(63) од Скопје, удрил во велосипед управуван од Т.Н.(67) од Скопје. Во несреќата со тешки телесни повреди се здобил велосипедистот, кој бил пренесен во Комплексот клиники „Мајка Тереза“ за укажување лекарска помош, каде што денеска починал. Извршен бил увид од увидна екипа од СВР Скопје.“ – се вели во соопштението на полицијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
