Хорор во Германија: Имале само пет и две годинки, татко си ги убил децата, па се самоубил

Утрово во Нојмарк, Германија се случи семејна трагедија.

Полицијата пронашла три безживотни тела - татко и неговите две малолетни деца.

Според првичните информации, 53 годишниот татко прво ги убил своите деца - петгодишно момче и двегодишното девојче, а потоа извршил самоубиство.

Полицијата добила дојава околу 8:30 часот изутринава, по што веднаш се упатила на местото на настанот.

"Овој вид на трагедија ги шокира сите, особено нас кои сме родители. Моите мисли се со семејството и сите погодени во овој мал град", изјави Томас Хениг, локален функционер на ЦДУ.

Мотивот за злосторството се уште не е познат, а полицијата продолжува со истрагата.