Хамас: Израел ја бомбардира најголемата болница во Газа, загинаа 13 лица
Хамас соопшти дека Израел утрово извршил воздушни напади врз или во близина на најмалку три болници. Нападите наводно ја вклучуваат најголемата болница во Газа, „Ал Шифа“, а Израел тврди дека Хамас таму криел командни центри и тунели. Хамас ги негира овие обвинувања.
Портпаролката на Светската здравствена организација (СЗО) исто така изјави дека болницата „Ал Шифа“ била бомбардирана. „Немам детали за ‘Ал Шифа’, но знаеме дека е бомбардирана“, рече Маргарет Харис.
Според медиумите, во нападите на болницата загинало најмалку едно лице. „Ројтерс“ цитира палестински официјални лица дека едно лице е убиено.
Владата на Хамас во Газа тврди дека 13 биле убиени.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
