Германски тенкови Леопард 2 пристигнаа во Украина
Контингент од 18 борбени тенкови од типот „Леопард 2“, кои Германија вети дека ќе ги испрати во Киев за да ја поддржи Украина во војната против Русија, е предаден на украинската граница, објави денеска Шпигел, повикувајќи се на неименувани извори.
Според медиумот, на Украина и се предадени и околу 40 пешадиски борбени возила од типот Мардер.
На 25 јануари германската влада одобри испраќање тенкови „Леопард 2“ во Украина, како и нивен повторен извоз од земјите партнери.
Германскиот министер за одбрана Борис Писториус по таа одлука изјави дека тенковите ќе бидат испорачани пред крајот на март.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
