ФОТО: Го фатиле со полн камион крадени дрва - му го заплениле заедно со уште едно возило
Полициски службеници од Секторот за внатрешни работи Струмица презеле засилени мерки за откривање и санкционирање лица кои вршат бесправна сеча и превоз на огревни дрва, при што на планината Беласица биле запрени товарно возило „застава“, со струмички регистарски ознаки, управувано од Ф.М. (29) од село Банско, натоварено со бесправно исечени огревни дрва и моторно возило „лада“, со струмички регистарски ознаки, управувано од Ј.Д. (22) од село Свидовица, струмичко, исто така, натоварено со бесправно исечени огревни дрва.
Во рамки на преземените мерки и активности, соопштија денеска од МВР, на друга локација на планината Беласица, дополнително биле пронајдени четири м3 бесправно исечени огревни дрва.
– Дрвата и возилата се одземени и предадени на Шумската полиција Струмица. За случајот е известен Јавен обвинител од Основно јавно обвинителство Струмица, а по негово целосно документирање против лицата ќе бидат поднесени соодветни пријави, се наведува во соопштението.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
