Една година од смртта на Алексеј Навални

Еден од најистакнатите противници на претседателот Владимир Путин беше отруен во 2020 година пред регионалните избори во Сибир. Беше префрлен во болница во Берлин, каде му беше констатирано труење со нервен агенс.

По закрепнувањето се врати во Русија и веднаш беше уапсен под обвинение дека не се пријавил кај властите. Судот подоцна го осуди на девет години затвор за измама и навреда на судија.

Понатамошното судење за екстремизам ја зголеми казната на 19 години. Навални беше приведен во казнена колонија во Арктичкиот круг, каде што почина под сомнителни околности на 47-годишна возраст.

Поддржувачите на Алексеј Навални положија цвеќе на неговиот гроб денеска, една година по смртта на рускиот опозициски активист, а полицијата дозволи влез на гробиштата Борисово каде го снимаше настанот.

Меѓу собраните на гробот имаше странски дипломати, меѓу кои и американската амбасадорка Лин Трејси и амбасадорот на ЕУ Роланд Галхараг, објавија медиумите.

Вдовицата Јулија Навалнаја напиша на Instagram дека не поминал ден да не помисли на Навални, да се консултира со него во мислите и да разговара со него.

„Многу те сакам. Многу ми недостигаш“, објави таа.