До 15 часот во Прилеп гласале над 42 проценти од избирачите

До 15 часот во Прилеп денеска на двојните избори на гласање излегле повеќе од 42 проценти од граѓаните со право на глас. Изборите течат непречено, без некои проблеми, информираат од Општинската изборна комисија.

Конкретно, за Претседателските избори до 15 часот излезеноста е 42,43, а за Парламентарните 42,39 проценти. Во Прилеп се запишани, за Претседателските избори 62 169, а за Парламентарните 62 271 избирач. Се гласа на 142 избирачки места.