Целосно изгаснат пожарот во каменичкото село Саса

Во Македонска Каменица целосно ликвидиран пожарот кој денеска попладне избувна во атарот на село Саса. Пожарот бил лоциран со помош на неодамна поставената кула за рана детекција на пожари, а во неговото гаснење учествуваше екипа на ТППЕ М. Каменица и шумски работници.

-Денеска, околу 14:00 часот, кулата за рана детекција детектираше пожар во с. Саса на местото наречено Траканички Рид. Во пожарот зафатена е површина од 2 хектари и изгорена ниско-стеблеста вегетација, сува трева папрат и трње. Во гаснењето учествуваа 2 пожарникари и тројца шумски работници, информираше Трајчевски.

Пожарот како што додаде целосно бил изгаснат попладне околу 17 часот.

-Она што е значајно е што преку Кулата за рана детекција добивме точен податок каде е пожарот, што и колку гори. На тој начин ни се олеснува почетниот дел за прибирање на информации за пожар и начинот со што и како да постапиме, додаде Трајчевски.

Кулата за рана детекција е изградена во рамки на проектот „Изградба на интегриран систем за рана детекција и превенција од шумски пожари во Невестино и Македонска Каменица“.